القمر☽ ♓ بكمل ببرج الحوت المائي كوكبه نبتون المسا بالحمل ..
توقعات برج الحمل اليوم الجمعة 04 فبراير 2022 ماغي فرح
الحمل♈
مهنياً: العشرية الأولى امورك افضل وتغيرات شخصية ومالية وتبدأ من جديد ،
العشرية الثانية والثالثة علاقات اجتماعية ..
يوم فيه مركز حكومي وامور صحية من المسا أنت أفضل . بعدها امورك بحالة ركود وعم تعاني تاجيل وتاخير ببعض القصص ومافي شي عم يكمل ،عندك ضغط ومسؤوليات بيومك وعم تزور مؤسسة حكومية او شركة وممكن البعض عندك فرصة عمل وفكرة سفر وفي معاملات بس انت مو على بعضك ، لهيك لاتتسرع وتكون عصبي وانتبه من اشخاص المصالح ، المسا في تغيرات وامور افضل وعم يكون عندك امور مالية وعزائم واستفادة الك
عاطفياً: العشرية الاولى تحسن طفيف ،
العشرية الثانية والثالثة لاتتردد بيومك وكون جريء وبعد عن اي توتر لتستقر أمورك ،
كون بعيد عن المشاكل المعقدة يلي عم تصير معك هاليوم لانك عم تعاني تصرفات من الشريك وحكي ماعم تتحملو عم يسبب توتر وعصبية ، بنصحك تغض النظر عن بعض التصرفات بس ماتوثق بحدا ، روق هاليوم لتطلع من هالوضع المكركب بشكل تدريجي وبالأخص فترة المسا ،الاعزب في تواصل واتصالات وتبادل المراسلات وتعارف جديد .
صحياً: بحاجة لتريح حالك وتنتبه على وضعك بلاخص العشرية الثانية وثالثة وتحسن صحي عند العشرية الاولى .
غنيتك اليوم اوعا تفكر اترجاك .. جورج وسوف
توقعات برج الثور اليوم الجمعة 04 فبراير 2022 ماغي فرح
الثور♉
مهنياً: العشرية الاولى عم تكون امورك افضل علاقات كتيرة وشيء مهم بيومك ،
العشرية الثانية بتشغلك امور شراكات مالية وعاطفية ولازم تروق بيومك
العشرية الثالثة عندك اوراق وعم تهتم بصحتك ومؤسسة حكومية .
يوم فيه علاقات كتيرة وعم تكون اجتماعي وتلتقي بناس كتار وعم تقضي يومك بعزائم ومشوار وأكل طيب وممكن سفر وعم تتلقى دعم ومساندة وعم ترجع بعض العلاقات يلي صار فيها توتر ان كان عاطفيا او بشغلك ، حاول تنتبه لردود افعالك المسا وبالاخص البعض عندو قصص فيها شراكات عم تشغلك ،وبدي منك ضب ايدك على مصاريفك .
عاطفياً: العشرية الاولى مو كتير مرتاح وانتبه لوضعك المسا ،
العشرية الثانية والثالثة يوم فيه تطورات وحلول واعجاب وعلاقات حميمية ..
عم تحل مشاكل او سوء تفاهم بعلاقتك وعم يكون عندك خبر منيح ،وفرصة لتقضي وقت مع الشريك او صديق بتحبو وعم يكون في تطور بعلاقتك مع شخص مقرب وصدفة حلوة او ممكن تتلقى دعوة للقاء ،يوم عم تبذل فيه مجهود حاول تساير لتبقى امورك جيدة بالأخص فترة المسا .
صحياً:العشرية الاولى مو مرتاح نفسيا ويوم عم تعاني من مشاكل بالمفاصل وارهاق اعصاب .. وحساسية جلدية وصدرية عند العشرية الثانية والثالثة ..
غنيتك اليوم تكة .. ناصيف زيتون
توقعات برج الجوزاء اليوم الجمعة 04 فبراير 2022 ماغي فرح
الجوزاء♊
مهنياً: العشرية الاولى والثانية عم تبدأ امور تتحسن شوي شوي وفي اوراق وتنقلات وشغل وعلاقات ،
العشرية الثالثة امور بتخص شغلك وعلاقاتك ضمن الشغل وبالأخص بالبيت وامور عاطفية بتشغلك ..
على الاقل بنهارك لازم تنتبه من الناس حواليك والمقربين وحاول ماتعمل مشاكل مع حدا هاليوم ولا تعمل من الحبة قبة ولا تتاخر بمواعيدك او تغيب حتى ما تتعرض للمحاسبة او تسمع شي كلمة ،البعض في حكي بضهرك وقيل وقال وانتبه على سمعتك ،المسا عم تنشط اجتماعيا وتتلقى دعوات وعزائم وتشوف ناس جديدة او اشخاص بتحبهم او مساعدة عم تتلقاها وامورك افضل اليومين القادمين .
عاطفياً:العشرية الاولى امورك افضل ،
العشرية الثانية والثالثة بعدو الوضع العاطفي عم يشغلك وبحاجة لشخص يكون سند الك وفي تقلبات بوضعك وفكر بعلاقتك لوين رايح فيها .
حاول ماتعتب على حدا وفكر بحالك ولاتدخل نقاشات عقيمة وبالأخص هاد الحكي يلي مابجيب نتيجة بدي منك تروق بنهارك وانتظر شوي على الاقل لفترة المسا حتى تعرف تحل امورك لان البعض عندك قرار مهم ومصيري ،انت قادر تلاقي الحلول باصعب الظروف لانك ذكي وبتحسبها صح وعندك احساس تجاه الاشخاص وعندك قدرة لتميز بين الشخص المحب و صاحب المصلحة ،المسا في شعور جديد وعلاقة عم تطور وتعيش اجواء حميمة ويمكن شخص يعترف بمشاعرو الك .
صحياً:العشرية الاولى عم تعاني حساسية والثانية نام منيح في تعب بالبشرة وهالة سودة تحت العين وبلاخص ثالثة يمكن في صحة اب او اخ او شخص كبير بالعمر ..
غنيتك اليوم غرامك غير وحبك غير .. حسين الجسمي
توقعات برج السرطان اليوم الجمعة 04 فبراير 2022 ماغي فرح
السرطان♋
مهنياً: العشرية الاولى مو كتير مرتاح بيومك عندك شغل وعلاقات كتيرة وانتبه من زملاء والحكي ،
العشرية الثانية لاتعمل مشكلة مع شخص مهم او مسؤول او مع حدا ضمن البيت وأمور عاطفية بتشغلك ،
العشرية الثالثة امورك افضل للقاءات واتصالات ومشوار او اختبار ..
بشكل عام يومك مميز وعم تكون امورك افضل من قبل وعم تنشط على مواقع التواصل الاجتماعي والسوشيال ميديا وعلاقات جديدة وفكرة سفر او شغل جديد عن البعض لازم تستغل نهارك لتعمل شيء جديد وتواصل مع أشخاص كتيرة وتعمل عقد او اتفاق وتطلع وتغير جو او تتلقى عزيمة ومال ممكن يوصل للبعض .. بس بدي منك تنتبه من الاعطال والحوادث وقصة قضائية بتشغل البعض هالفترة .
عاطفياً: المتزوج في قصة عم تشغلك مع الشريك والضبابية عم تسيطر على الوضع بحاجة لتهدي وماتتخذ اي قرار مهم أو مصيري ،
المرتبط يوم داعم الك ليصير في تواصل بلقاء او اتصال او على مواقع التواصل الاجتماعي حاول تتقرب اكتر مع الشريك لتقضي وقت وتستغل يومك بشكل افضل ،
الاعزب من الايام المميزة عندك لتبادر وتكسب قلب أي شخص وتعارف ممكن يبلش عندك .
صحياً:بشكل عام لازم تنتبه على مشاكل الوزن الزائد والازم تتبع حمية بلاخص العشرية الاولى وثانية .. الثالثة انتبه من ضغط يسبب تعب وارهاق .
غنيتك اليوم ردتك الي .. سيف نبيل
توقعات برج الاسد اليوم الجمعة 04 فبراير 2022 ماغي فرح
الأسد♌
مهنياً: العشرية الأولى يوم فيه شغل وأمور عائلية وقصص داخل شغلك ،
العشرية الثانية والثالثة يومك أفضل وطاقتك إيجابية وتغيرات بوضعك شوي شوي
يوم عندك شغل كتير وتنقلات وممكن تحقق مكاسب مالية او قصة قضائية عم تحسمها او تلاقي الها حل ،يوم فيه اوراق مهمة وبحاجتها ،وقصص عم تتعلق بأهلك أو بالأطفال ،مال بيومك وتغيرات ايجابية او ممكن تحصل على مال من شراكة ممكن داخل فيها او قصة حوالة بتشغلك وعم تتخلص من بعض الالتزامات وتعيد حساباتك ،المسا عم تكون امورك افضل وتغيرات إيجابية باليومين القادمين لصالحك .
عاطفياً: العشرية الاولى امورك افضل،
وتحسن تدريجي بيومك للعشرية الثانية والثالثة …
شوي انتباه لوضعك ومرق الامور على خير وانتبه لنقاشاتك مع الشريك او من أي سوء تفاهم ممكن يصير لازم تبعد عن قصص الغيرة وتتنازل شوي وتعطي فرصة جديدة، عم تبدا الامور تتحسن وشخص جديد عم يدخل لحياتك او عودة شخص قديم وهالشيء رح يعطيك دافع كبير الفترة القادمة لتحط النقاط على الحروف ، البعض عندو مشوار او لقاء عاطفي بالاخص المرتبط جديد .
صحياً:العشرية الاولى انتبه من الحوادث وضغط نفسي والثانية والثالثة ريح جسمك ولا تفكر كتير داري وضعك وبحاجة لطاقة وفيتامينات ..
غنيتك اليوم بعدك عم تخطر ع بالي .. يارا
توقعات برج العذراء اليوم الجمعة 04 فبراير 2022 ماغي فرح
العذراء♍
مهنياً: العشرية الاولى يوم فيه امور مالية بتشغلك ،
العشرية الثانية قصص شراكات عاطفية او مالية ،
العشرية الثالثة وضع البيت وحكي وعم يكون عندك شغل كتير ..
بعدو يومك متوتر بالاخص فترة النهار ومابتعرف المشاكل من وين عم تطلع وبالأخص بعلاقاتك وأمورك المالية أو قصة شخصية عم تشغلك ، بحاجة لتركيز أكتر بالبيت وبالشغل وشراكاتك ولازم تحسم أي أمور بتخص العقارات وممكن تفكر بشراكة مع شخص مقرب ، بعد عن المواجهات وانتبه على وضعك المالي ورح يبدأ يتحسن عند العشرية الأولى .. المسا في حكي بأمور مالية او موارد مشتركة او شراكة وممكن ناطر مبلغ هاليومين ،البعض ممكن يبدأ بمعاملة مالية هالفترة وفي عزيمة ومشوار حلو .
عاطفياً: العشرية الأولى أمورك عم تتحسن ووضعك العاطفي أفضل ،
العشرية الثانية والثالثة الظروف غير للقاء او اتصال او صدام مع الشريك بس روق بنهارك وامورك رح تكون افضل ،
المرتبط والمتزوج عم يكون في عندك انفعالات غير مبررة وكون حريص على علاقتك هاليوم حتى ما تتسبب لنفسك بقطيعة او جفا وسوء تفاهم بالاخص بعض المرتبطين ماعم يكون فيه تركيز او يحدد خياراتو ،بعض المتزوجين يمكن عم تجهز لمشوار مع الشريك او موعد أو سفر .
الاعزب يومك عم يكون افضل وعم تقضي اوقات حلوة وممكن شخص يتقرب منك حاول تفتح قلبك من جديد وتعطي فرصة .
صحياً:العشرية الاولى بحاجة تطمن على وضعك وتابع امورك الصحية والثانية والثالثة يمكن وضع صحي بالعيلة او في عملية ..
غنيتك اليوم صاير ع غيابك .. زياد برجي
توقعات برج الميزان اليوم الجمعة 04 فبراير 2022 ماغي فرح
الميزان♎
مهنياً: العشرية الأولى بتشغلك أمور عاطفية ومهنية ،
العشرية الثانية شغل كتير وعلاقات لازم ترتب أمورك منيح ،
العشرية الثالثة ممكن عقد وأوراق بيومك وأمور صحية ..
يوم عندك ضغط ومسؤوليات كتير ومشغول على عدة أصعدة ان كان بالبيت او الشغل والاهل وقصص مدري من وين عم تطلعلك ،عم تفكر تعمل تصليحات او تجهيزات بالرغم الضغط الكبير عليك عم تستغل الوقت وترتب امورك منيح وتخلص بكير ،يوم عندك مبادرة للقاء او حل قصة تعبتك كتير ،حاول تنتبه على صحتك وفي قصة نادي رياضي او نشاط رياضي جديد او عملية عند البعض ،المسا في قصص شراكات عم تشغلك والبعض ممكن يحسم شراكات متعبة
عاطفياً: العشرية الأولى علاقات عم تتبلور وحسم بين بداية ونهاية ،
العشرية الثانية والثالثة مشغول باكتر من قصة عم تبعدك عن الامور العاطفية لازم تعطي وقت للشريك لتمرق امورك على خير ويستقر وضعك اكتر وممكن تستفاد من الشريك بقصة ما او مال او شيء معنوي ..
بعرف الوضع مو كتير مرتاح بالاخص يلي عندو جفا وتوتر بوضعك لازم الشريك يقدر وضعك ،يوم فيه عناد وفي قصص بسيطة عم تأثر كتير بالوضع لازم تكون متفهم اكتر وتعطي وقت وتعبر عن عواطفك ولاتخلي الخيارات تعبك ،فكر بعقلك اكتر حتى ماتخسر ،كلشي ممكن يتحسن ويتصلح وتعود الامور من جديد ،ممكن شراكة جديدة او قديم ممكن يوصلك شيء منو او تطلع مشوار مع شريك .
صحياً:العشرية الاولى صحة حدا بتشغلك وممكن شريك والثانية والثالثة في تعب عضلي والتهابات وممكن كريب ..
غنيتك اليوم بتجنني .. حسام جنيد
توقعات برج العقرب اليوم الجمعة 04 فبراير 2022 ماغي فرح
العقرب♏
مهنياً: العشرية الاولى يوم فيه شغل والتزامات ومضغوط وامور صحية وخبر يخص شغل ،
العشرية الثانية عم تكون امورك افضل بشغلك وبالمال ،
العشرية الثالثة امور عاطفية واشخاص ترجع تحاكيك وطاقة إيجابية ..
من الايام المميزة وبتقضي فيها اوقات حلوة وبتشوف شخص غالي والحظ بكون داعم الك لتتخلص من بعض القصص المتعبة بعد ماصار فيها تأجيل وتأخير او ماكانت متل مابدك .. عم تتحسن امورك ويكون عندك حرية اكتر وفي عزيمة بيومك، عم يتحسن وضعك المالي وانفراج بقصة مالية للبعض ، المسا في التزامات وضغط وقصص عائلية حاول ترتب امورك منيح وتعمل شيء جديد على الصعيد الصحي .
عاطفياً: العشرية الاولى عم تتحسن علاقاتك واشخاص من داخل شغلك او زميل ،
العشرية الثانية والثالثة أجواء حلوة عم تقضيها بلقاء او اتصال وتقارب وعودة شخص ..
يوم عندك جاذبية كبيرة وشغف عاطفي وحضورك مميز وتواصل واتصالات وممكن لقاء عم تجهز الو ،عم تطلع من حالاتك شوي شوي وتكسب الشريك لصفك او اذا عم تحاول ترجع شريك قديم بدي منك تعبر عن حالتك العاطفية ومشاعرك بشكل أكبر حتى ما تتعب فترة المسا ، البعض بدي تنتبه من علاقات سرية او علاقات مو الها نتيجة لهيك حاول تحسمها وتكون بعيد عنها اذا بدك نصيحتي .
صحياً:العشرية الاولى مو مرتاح وفي ارهاق وتعب وتانية قصص اطفال وحدا بالبيت والثالثة تشنجات ومشاكل الكولون .
غنيتك اليوم بتعرف شعور .. ادهم نابلسي
توقعات برج القوس اليوم الجمعة 04 فبراير 2022 ماغي فرح
القوس♐
مهنياً: العشرية الاولى امور عاطفية أو مالية بيومك ،
العشرية الثانية ضغط والتزامات وماعم تلحق ،
العشرية الثالثة أمور عائلية وعقارية وشيء يخص الأطفال ..
بعدها القصص العائلة عم تشغلك بيومك لهيك لازم تكون هادئ وتركز منيح بالأخص فترة النهار لتطلع من هالوضع المسا يوم عندك حدث مهم وشيء يخص العائلة وتنقل قصير او سفرة قصيرة ،يمكن في نقل مكان او تغير بأمور العقارات او المنزل ، وامور مالية عم تشغلك هاليوم يوم فيه لمة عائلية واشخاص حواليك وزيارات عم تقوم فيها ،المسا بتكون امورك افضل والوضع ببلش يتحسن وشخص بيرجع يحاكيك وشيء بيخص الإنجاب أو الأطفال.
عاطفياً: العشرية الاولى تحسن بعلاقاتك وحب جديد ،
العشرية الثانية والثالثة لازم تحسم امورك وتفكر صح وتاخد قرارك ..
حاول تفصل بين امورك العائلية والعاطفية ولاتخلي شيء يأثر عليك وتكون متفهم وتخفف انفعال وعصبية أكتر ،في امور أيجابية رح تكون من المسا وفي مفاجأة حلوة وتحسن باليومين القادمين بارتباط او علاقات عم ترجع وخطوة مهمة ،
صحياً:العشرية الاولى عم تهتم للاطفال والانجاب وانت انتبه من الحساسية وصداع والثانية والثالثة بتشغلك امور صحية بالبيت ..
غنيتك اليوم انت فاكر اني حاضيع .. جورج وسوف
توقعات برج الجدي اليوم الجمعة 04 فبراير 2022 ماغي فرح
الجدي♑
مهنياً: العشرية الاولى يوم فيه امور عائلية وعقارية بتشغلك ، العشرية الثانية شغل وعلاقات وقصة بتخص منزل وتصليحات ،
العشرية الثالثة أمورك افضل واتصالات وعلاقات وأمور عاطفية ..
يوم فيه تواصل مع اشخاص كتيرة وعم يكون عندك شعبية وتتحرر من بعض الضغوط وشي بخص العقارات وممكن تفكر بسفر او مشوار او ممكن تساعد حدا وقصة اخ بتشغلك أوقصة بتخص حدا من أهلك أو صهر أو أبناء العم . الحمل عليك كبير وماحدا عم يقدر وضعك بعرف انك قد هالشيء لهيك في قدامك فرصة حلوة حاول تستغلها في لقاءات وعندك شعبية بتزيد وممكن عم تدخل بمجال جديد او شغل جديد واتفاق وقصة سيارة او موبايل وانتبه من الحوادث والأعطال والمسا امور عائلية بتشغلك اكتر .
عاطفياً: العشرية الاولى لاتخلي الامور العائلية تدخل بوضعك العاطفي او قصص تكبر ضمن العائلة ،
العشرية الثانية والثالثة في تقارب بوضعك العاطفي ويومك منيح وعم تكسب الشريك لصفك ..
المهم تخفف غيرة وشكوك وتنتبه لتصرفاتك ببعض المواقف بالأخص بعض الحالات يلي عم يصير فيها نوع من التملك وتضيق على الشريك يوم عم يكون فيه جاذبية والأضواء مسلطة عليك ،عم ترجع الامور شوي شوي بعد زعل او جفا وبالاخص عند المرتبط ،
المتزوج عم تعيش اجواء افضل وتقارب بوجهات النظر ومشوار مع الزوج وعم تطور العلاقة لأجواء حميمية أكتر بعد توتر بالفترة الماضية ،
الاعزب في تطورات بوضعك العاطفي وشخص جديد ممكن يدخل حياتك هاليومين وتواصل مع شخص عبر مواقع التواصل الاجتماعي وعلاقات عم تكبر وتاخد منحى جديد .
صحياً:العشرية الاولى قصة حدا بالعيلة وثانية والثالثة عم تعاني ارهاق وتعب وتشنجات عضلية ومشاكل رقبة والأكتاف ..
غنيتك اليوم جن الهوى ورماني .. وائل كفوري
توقعات برج الدلو اليوم الجمعة 04 فبراير 2022 ماغي فرح
الدلو♒
مهنياً: العشرية الأولى الأمور أفضل واتصالات ولقاءات وأخبار حلوة ،
العشرية الثانية في اوراق ومعاملات وامور ادارية وسفر قصير او عزيمة ومشوار ،
العشرية الثالثة امور مالية ومصاريف وشغل كتير بيومك ..
يوم في قصص كتيرة عم تشغلك وبلاخص الامور المالية بين قبض ودفع والتزامات ،اليوم لاتمل وتحس بتعب وارهاق ولازم تخلص التزاماتك بالشغل وتبادر لتوصل وتنهي اعمال لترتاح المسا ، يوم فيه تراكمات مالية والتزامات ولازم تفكر بطريقة جديدة تحسن فيها وضعك المالي ،يوم ممكن تحصل على مال ويكون عندك عزيمة واخبار حلوة من المسا ،البعض عم يجهز لسفر او مشوار ولقاءات مهمة .
عاطفياً: العشرية الاولى في تطور بعلاقاتك ولقاءات واتصالات طويلة ،
العشرية الثانية والثالثة حاول تصالح وتساير ولاتكون عنيد وحاول تتنازل شوي ..
الوضع متقلب والمشاعر والقرارات بحالة من ضبابية لا كتير تأفف هاليوم عم تعاني من اهمال وتصرفات الشريك ومو عاجبك شي ،ممكن في حب قديم وعلاقات قديمة عم تطور حاول تركز على وضعك العاطفي بالايام الجاية ولا تعطي الثقة لحدا ،عم تحاول تكتشف بعض الامور على حقيقتها وبتحس في شيء غامض ماعم تعرفو ، كتير امور شاغلتك بوضعك العاطفي والماضي على البال حاول ماتوقع بأخطاء وقعت فيها بوقت سابق وبالاخص اذا رح تدخل علاقة جديدة ،امورك المسا افضل للقاء واتصال وشخص عم تطور علاقتك معو
صحياً:العشرية الاولى انتبه من الحوادث والثانية والثالثة مصاريف على صحة وادوية وشوية تعب بروح نشالله ..
غنيتك اليوم يلي جمالك نوع تاني .. جورج وسوف
توقعات برج الحوت اليوم الجمعة 04 فبراير 2022 ماغي فرح
الحوت♓
مهنياً: العشرية الأولى امور مالية بيومك ممكن تحصل على مال ومصاريف زائدة ،
العشرية الثانية مشغول بقصص كتير ومصاريف على العائلة او سفر وصحة ،
العشرية الثالثة امورك افضل واخبار حلوة وتنقلات بيومك وفي قصة مبلغ مالي ..
يوم جيد لتحل مشكلة تعبتك او عملت شوي توتر الك بالفترة الماضية يوم عندك قدرة لتكسب وتقنع برأيك وتزيل بعض التوترات بوضعك وتكسب أشخاص جدد ،عم ترجع الك الثقة وتحقق هدف الك زمان ناطرو ، يوم فيه جرأة واجواء حلوة وعلاقات عم تكبر واخبار حلوة ،عم يكون في دعوة لعزيمة او انت عم تعزم وفرصة سفر او خبر بخص نتيجة وممكن يوصلك شيء من مكان بعيد ، المسا عم تشغلك امور مالية وممكن تحصل على مال وضب ايدك على مصاريفك كمان
عاطفياً: العشرية الأولى مو كتير مرتاح وممكن امور عم ترجع على الواجهة من جديد ولاتخلي الضبابية تسيطر عليك ،
العشرية الثانية والثالثة عم يكون في تواصل واجواء حلوة وفرصة تعارف ولقاء جديد والصدفة عم تلعب دور بيومك ،
المرتبط يوم عم تكون مندفع زيادة بلقاءاتك واتصالاتك عم تعبر عن مشاعرك وتكون رومانسي وعلاقات عم تاخد منحى اخر المهم ماتخلي حدا يستغلك مو ناقصك مشاكل جديدة ، والبعض ممكن شريك قديم او شخص غالي يرجع يحاكيك
الاعزب الوضع على حالوا شوية كلام وناس حواليك وايدك على خدك وناطر .
صحياً:العشرية الاولى عم تعاني من مشاكل صحية وممكن تزور طبيب او عم تاخد ادوية والثانية والثالثة تشنجات ومغص ولا تعب المعدة .
غنيتك اليوم الخلقة نار .. نور الزين
