أبراج اليوم الأحد ٢٨ آذار ٢٠٢١ مع ماغي فرح

الحمل ♈
مهنياً: يوم بخص امور شراكة ممكن تكون شغل او مال تحسن تدريجي بيومك رغم انك مانك مرتاح وبحاجة للاستقرار بالعيلة .. بدي منك تنتبه على امور ضمن شغلك لان في ناس مابتريد الخير الك لا تعتبةعلى حدا مابيستاهل وممكن في شخص مهم بيومك او شراكة مع شخص وممكن انهاء شراكة متعبة وعقد جديد وقصة بتخص شريك عاطفي او مهني وجمعية مالية ..
عاطفياً:مو مرتاح المرتبط والاعزب فرصة لتبدأ شراكة عاطفية جديدة افضل الك .. بحاجة لتحدد موقفك او تحسم قرار بعلاقتك ولا تنفعل وتعصب بعرف في مضايقات وتوتر بس بدا دبلوماسية ولا تصعد الامور .. ممكن في خبر او ناطر قرار او شي بخص علاقتك نشالله بصير .. والبعض في شي مشترك مع شريك ممكن تعملوا هاليومين ..
صحياً:امورك بتتحسن وفيك تطلع وتغير جو وتعمل استجمام وعزايم وهم بينزاح عن صدرك ..


الثور ♉
مهنياً:ضغط شغل ومسؤوليات وبدك تلحق عندك شغل كتير واوراق وناطر شي من مكان بعيد اوراق او مال وعم تتواصل بشغل او مع ناس من الخارج .. رتب امورك هاليوم وخلص المهم وضروري ولا تراكم الاعمال عليك حتى لا توقع بتأجيل او تأخير وانتبه شوي لصحتك .. حتى في مال من شغل واوراق وشي بخص البيت واذا بدك مساعدة لا تتردد وشغل جديد او خبر بخصوص شغلك ..
عاطفياً:لاعزب فرصة لاعجاب وتتطور بالعلاقات عندك .. المرتبط مو كتير مرتاح وبتحس في لف ودوران والاستقرار بعدو مو موجود حاول لا تتسرع وكون دبلوماسي وناقش بهدوء لتلاقي حل وأنتبه لعواطفك وركز على مصالحك الشخصية رغم في لقاء او اتصال وتواصل مع شخص بعيد ..
صحياً:وضع صحي بالعيلة وانت لازم تنتبه على صحتك اكتر وتمارس نشاط رياضي ..


الجوزاء ♊
مهنياً:من الايام الحلوة وداعمة الك لترتاح وتطلع من ضغوط وعلاقات واصدقاء رح تبلش ترجعلك وقصة انجاب واطفال بيومك .. حظ وطاقة ومال ممكن يجيك انفراج وتنقلات وعم تنجح بعلاقاتك وبأعمالك وسفرة قصيرة بتجهز لمرحلة جديدة بتزيد مدخولك وممكن في قصة دين او حوالة وعرض حلو الك .. لقاءات مميزة واتصالات وبتلاقي دعم بعدة مجالات وبلاخص من رفقاتك ..
عاطفياً:تحسن بوضعك العاطفي وارتباط وعندك اوقات حلوة .. من الايام الي بتكسب فيا قلب شريك وعندك جاذبية وتغيرات جديدة وبتلاقي حلول بوضعك .. هاليوم داعم الك ليكون في مصالحات ولقاء واتصالات وشريك قديم ممكن عم يعود على الواجهة من جديد .. يوم جيد استغله بالحب ورومنسية ولتكون لامور اكثر حميمية وعلاقة سرية .. والبعض مصاريف مالية او عزيمة مع شريك ..
صحياً:تحسن صحي وامورك تمام ومفاجئة ممكن تحسن من وضعك صحي اكتر ..

السرطان ♋
مهنياً:عم يشغلك وضع البيت وحدا من اهلك وزيارة مفاجئة وفي تغييرات بالمكان او ممكن تعمل شي بالبيت وتصليحات وديكور او اثاث جديد حاول تكون هادي مع احد افراد العيلة وبشغلك مع مسؤول او مدير ولا تتأخر على شغلك ودراستك وانتبه من تشويه سمعة من حدا مقرب بالعيلة .. واذا عندك شراكة مع حدا من اهلك بموضوع ما امورك بتكون تمام وبلاخص المالية ضب ايدك كمان ..
عاطفياً:في حيرة وتردد وشخص مهم عينو عليك ..
وضعك العاطفي مرتبط بامور العيلة بس انا بشوف الامور لقدام افضل بس هاليومين شوية تركيز وهدي ولا تخلي حدا يستفزك المهم تكون دبلوماسي ولا تاخد قرارات مهمة ومصيرية .. فكر بعلاقة تريحك بعيد عن توتر والاضطرابات وجو العائلي الي مو مرتاح في ..
صحياً:انتبه ع صحتك ولا تخلي حدا يستفزك وانتبه لصحتك وصحة حدا بالعيلة ..


الأسد ♌
مهنياً:من الايام داعمة الك بالحظ والسفر واختبار واعطال وحوادث .. عم تكون محور اهتمام ومتحرر وعم تعطي رأيك وعندك خبر حلو ناطرك واتصالات بعيدة واشخاص جديدة وشغل منيح وممكن شي عبر مواقع التواصل وقصة اخ بتشغلك وفيك تطلب لتتخلص من بعض العراقيل الي تعبتك ..قصة عقارات او سيارة او موبايل واعطال والبعض عندو اختبار او ناطر نتيجة وحركة بيع وشراء ودعم مالي معنوي ..
عاطفياً:من الايام الحلوة بتواصل واتصالات طويلة ولاجواء بحالة استقرار .. حكي كتير نقاش واتفاق عندك جاذبية وسحر خاص كون هادي لتستقر امورك وشوي شوي بتحصل على الشي الي بدك ياه ولاتخاف على وضعك لامور بتتحسن بشكل تدريجي .. اتصال ولقاء بلاخص المرتبط جديد وصدفة حلوة وممكن في خطوة جديدة او محبس قريباً ..
صحياً:انتبه على صحتك هالفترة لان ممكن عندك وضع صحي الك او لحدا مقرب منك او عم تزور مريض ..


العذراء ♍
مهنياً:يومك في قصص مالية متعددة وكتير شاغلك هاشي هالفترة بين قبض ودفع وشراكة وميراث وعندك كسل ونوم زيادة .. عم تعيد ترتيب امورك المالية وعندك جرأة بقراراتك لا تترد ويومك مدعوم بالمال .. ساير بشغلك وبيتك وفي امور مالية بين صرف وقبض وممكن تسترجع مال او مال بيوصلك .. قصة بتخص الابناء و الاطفال ونشالله في فرحة عندك ومصاريف على عزائم واكل ومعاملات مالية ..
عاطفياً:يومك بدو رواق ولا تخلي شي يعملك قلق بلاخص انك بتحس مافي شي يكمل بحاج للاهتمام لتبقى علاقتك منيحة .. ساير وتعامل مع الشريك بدبلوماسية ولا تخلي شي يشغلك عن العاطفة .. ممكن البعض ينطلق بعلاقة جديدة وفي مبادرة جديدة لحل امر ما تعرضت له بالسابق .. وبعض المتزوجين الوضع المالي عم يدخل بالعاطفي وهدي ليعملك هاشي مشكلة ..
صحياً:بدك تنتبه على صحتك في خمول وارهاق ومتكاسل بهاليوم وبس بدك تنام ..


الميزان ♎
مهنياً:من افضل الايام بالحظ والطاقة وشراكات بتشغلك .. بعد عرقلة وتأجيل او في بطئ بلامور اليوم في خبر منيح وقرارات لصالحك وسرعة اكتر .. بتبلش بشي جديد تحسن مهنية ومالية وتطورات اجتماعية وبتلاقي لكل حواليك حتى بتتعرف بناس جديدة وبتروح اماكن جديدة ولقاءات واتصالات وعزائم واكل طيب وتغيرات على صعيدك الشخصي وبتقلب الأمور لصالحك واليعض قصة شراكة جديد او امور بتتعلق بجمعيات مالية او سكنية ..
عاطفياً:تحسن عاطفي واتصالات ومصالحات .. من الأيام الحلوة عندك بتكون جذاب والعين عليك وعم تحاول تقنع الشريك بوجهة نظرك او العكس .. اتصالات وتواصل طويل او لقاء لتوصل لحلول بعد توتر كبير كان بوضعك او على الاقل لترجع علاقتك على طريق صحيح بادر ولا تتردد ولازم تكون حذر من اي انفعال واستفاد من دعم الحظ .. الاعزب فرصة ارتباط او عجاب مبدئي وممكن شخص قديم بيرجع والبعض في مشروع خطبة ..
صحياً:لا تعص وانتبه على صحتك بيتحسن الوضع يوم عن يوم لا تاكل هم ..

العقرب ♏
مهنياً:انتبه صحياً في شغل وتراكم اعمال وشخصية مهمة او مركز حكومي .. يومك مو مرتاح في وعم تحس بتعب وخمول وعم يكون في تأجيل او تأخير بقصة شاغلتك حاول تروق وتهدي بهاليوم ولا تدخل بمواجهات وتعصب ولا تخلي حدا يستفزك وتكون متأفف من الوضع بشغل وبالبيت وبعلاقاتك مع رفقاتك يمكن تبدأ شغل جديد ومؤسسة حكومية في قصة قضائية وتواصل مع اشخاص مهمة او ذات مكانة وانتبه لمصاريفك المالية اذا بحاجة اطلب لا تتردد ..
عاطفياً:بحاجة لدعم من شريك والوضع متعبك بس شوي شوي بتطلع من الوحدة والعزلة الي انت فيا .. لا تتخذ اي قرار ولا تفكر بسلبية ولا تعصب وحافظ على ردة فعلك لان مابدي ياك تخسر فترة فيها برود وفتور عاطفي هدي وكلشي بيتحسن والبعض عندو علاقات حميمية او ممكن يتعرف على شخص تتطور العلاقة في قريباً..
صحياً:بعدو وضعك متعبك التهابات ونفور للحب روق ولا تحبس شي بداخلك لان رح ينعكس على مظهرك الخارجي ..


القوس ♐
مهنيا:يوم جيد بالعاطفة والمال والاصدقاء وعم تحقق رغبة او امنية .. اجواء اجتماعية ولمة حلوة واصدقاء ورفقات بحدك وبتشوف ناس بتحبن وشخص غالي عليك وعزيمة واكل طيب وبتكون مقنع وشعبيتك بتزيد ..كمان توقع يكون عندك مفاجئة ممكن تكون مالية او سفر او مولود جديد للبعض .. المهم لا ترد على الانتقادات ولا تعطي اهتمام لاشخاص ممكن تحاول تعرقل امورك ولا تتردد اذا بحاجة مساعدة وقصة ورقة ناطرها ..
عاطفياً:بتكون جذاب وساحر بحضورك والك مكانة عند الكل وفي خبر حلو وعلاقة عم تبلش تطور او صداقة بتتحول لحب .. المتزوج بدي منك تهدي الامور مع الشريك ولا تعتب على شي وبلاخص بهاليوم حاول ماتصعد الخلافات كلمة منك وكلمة منو بتروح لطريق مسدود روق اليوم وبلا مزاجية بكلامك وافعالك .. لايام جاي بتحملك اشياء أيجابية المرتبط امورك افضل وتطورات ايجابية .. البعض بميل لتعدد العلاقات وعلاقات حميمية وشغف عاطفي وعلاقة سرية .
صحياً:بتشغلك قصة صحية او خبر بخص صديق وممكن في طبيب ومصاريف على امور صحية او تجميل ..


الجدي ♑
مهنياً:يوم في علاقات كتيرة وعم تزيد شعبيتك بس بنفس الوقت انتبه من تشويه سمعة وحاول ماتخالف القوانين ولا تعمل مشكلة مع مسؤول بشغلك وقصة اب أو أخ كبير بتشغلك .. فايق بكير وعندك شغل والتزامات وامور بتخص شغلك وظيفتك او خبر ناطرو لا تخلي شي يتراكم عليك حتى ماتسمع شي كلمة او تتعرض للوم .. اتصالات كتيرة بتخص شغل او ناس مهمة وشخصية مشهورة تغيرات بشغلك وعروض فكر منيح وناس جديدة ومال من ورا شغل ..
عاطفياً:تقلبات بوضعك حاول لا تتسرع او تاخد اي قرار مهم ومصالحة للبعض ..الاعزب فكر منيح وخلي وجهة نظرك تروح بأتجاه المستقبل وحط نقاط على الحروف لتوصل لنتيجة بلاخص اذا كنت مرتبط جديد والبعض بعد عن علاقات مامنها نتيجة .. المرتبط في اهمال وعدم رضى بيومك مابدي تزعل من اي موضوع روق هاليومين وممكن في خلافة بلعيلة مع الشريك بدو هدوء وإلا الوضع مو لصالحك بكون ..
صحياً:حاول تنتبه من مشاكل المفاصل واسفل ظهر وبين الاكتاف وخفف اكل بوقت متأخر .


الدلو ♒
مهنياً:من افضل الايام لتتحسن الامور عندك عم يكون في اتصالات طويلة وعلاقات جديدة واوراق وقصة سفر او دراسات عليا عم تشغلك وعم تسمع اخبار حلوة وفي تفائل وتحسن بالوضع العائلي والمهني والمادي .. في اتفاق بيومك وقصة فيها بيع وشراء ومال واختبار لوضعك لازم تثبت جدارتك اتصالات بتكتر ولقاءات وبتحسم امر مهم .. يومك في تنقلات وسفر وفي دعوة لعزيمة وسهرة واكل طيب استغل الفرصة اليوم لصالحك بس انتبه من الحوادث ومشاكل المواصلات وقصة حوالة ..
عاطفياً:يومك مدعوم بلقاءات واتصالات ومشوار حلو وجذاب وبتأثر على الجنس الأخر .. حاول لا تتردد واحسم امورك لان انت مقبل على خطوة عاطفية جديدة .. الأعزب يومك مميز وداعم الك وفرصة لتلتقي شخص وتطور علاقتك معو وحب جديد ممكن ..البعض أنتبه للمبالغة بأمورك العاطفية أو تروح ورا علاقات مارح تجيب نتيجة .
صحياً:بتتحسن امورك الصحية نتيجة تحسن ظروف
وعندك قدرة تشتغل كتير اشياء اليوم ..


الحوت ♓
مهنياً:عم ترتاح نسبياً وممكن يجيك مبلغ مالي وحتى في دفع لمبلغ وديون بتشغلك .. استغل يومك بالحلول والاتفاقيات بلاخص اذا في شي بيتعلق بأوراق او معاملات مالية وقانونية .. حاول تتصرف صح بيومك وتنظم امورك في مصاريف والتزامات وعم تسدد مال ديون اقساط على سيارة او موبايل وعزائم واصدقاء وانفراج بوضعك ومشوار عندك ومصاريف مالية .. والبعض عندو قصة ميراث ترتيبات او معاملات وحكي عم ياخد وقت ..
عاطفياً:امورك افضل من قبل وبتتحسن العاطفة المهم تساير وتبقى رايق بمعاملتك مع الشريك ولازم يكون في تنازل لتسيطر على وضعك وتستقر امورك بدون لف ودوران .. مزاجك متقلب ومابتعرف شو بدك وممكن كل ساعة رأي شكل فكر صح وتلاقي مخرج افضل يكون مرضي بدون مشاكل والحظ بساعدك وبكون معك ..
صحياً:خطوات اكتر فعالية لتحسن امورك صحية .. وصحة شخص مقرب منك بتشغلك ..