الحمل ♈
مهنياً:اجواء عائلية تغيير ومكان جديد ودعم .. في تغيير بوصعك وممكن تفكر بنقل وتغيير بالبيت وقصة عقار وعم تجهز او تصليحات بالبيت .. عندك ضغط شغل وفي شي مالي ومصاريف كمان على العيلة .. لا ضوج وتصرف صح حتى تكمل معك انت بحاجة لتنظيم وترتيب بهاليوم بشكل عام يومك عائلي واجواء بتخص الاهل او اخوة وعزيمة وسهرة ..
عاطفياً:قصص عائلية عم تدخل بوضع عاطفي امور منيحة المهم تروق وما تكبر القصص .. ركز وحاول تختار منيح شريك حياتك وتعرف تتعامل معو .. انت فيك تتأقلم مع الظروف وتثبت انك قادر لا تخاف مافي شي بضل ع حالو اذا شريك بيستاهل لا تفكر كتير وبادر بحلول و بدك تهدي حالك ولامور رايحة للاحسن ..
صحياً:بحاجة للراحة ولا تعب حالك عم تتكرر عندك بعض الامراض يمكن بحاجة لعملية وبترتاح او يمكن صحة حدا بالبيت وريح حالك من ضجيج .
الثور ♉
مهنياً:انت بيوم منيح نسبياً بعلاقات الاجتماعية وحضور مميز وفيك تطلع وتغير جو وقادر تقنع وتوصل افكارك واتصالات وناس جديدة وفي قصة اوراق .. سفر قصيرة او مشوار واذا ناطر شي مهم ممكن تحصل عليه او تسمع خبر حلو بريحك نسبياً قصص عقارية ولقاء مهم واختبار وقصة موبايل او سيارة وتصليحات وهدي بامور العيلة مع اخواتك ..
عاطفياً:جاذبية كبيرة واعجاب مبدئي وامورك منيحة وتواصل بأتصالات طويلة ولقاءات مميزة .. عم تعيش اجواء حلوة وتطورات بعلاقتك وعم تمشي الامور متل مابدك بعد فترة متعبة في تنازل واختبار .. الاجواء حلوة ولقاءات مميزة وتحسن نحو الافضل اذا عندك خلافات او زعل بينحل ..حاول قدر الامكان تكون دبلوماسي مع الشريك لتلاقي حل مرضي وتكسبو لصفك ..
صحياً:انتبه من الحوادث برا البيت وبالمطبخ وحاول مو كتير تجادل وتلوم وانتبه لأكلك وبلاخص المقالي .
الجوزاء ♊
مهنياً:امور مالية بيومك ودعم من شخص وحتى في مناسبة وعزيمة واكل طيب .. يومك في مصاريف على عزائم وصحة وعلاقات اجتماعية وركز بعلاقاتك مع البعض .. عندك شغل وضغوط وممكن مال اذا ناطرو يجيك وأنتبهلي كتير لمصروفك لانو كل مانو عم يزيد وحاول تفكر بشغل جديد او عمل يجبلك دخل اكتر بالمجمل يوم للمال بين دفع وقبض وعزائم ..
عاطفياً:متقلب يومك ولازم تهدي بعلاقتك لتوصل للاستقرار .. بدي منك تبادر ولا تتجاهل امور كتيرة بعلاقتك مابدي شي يأثر على وضعك اليوم وعبر عن حبك وبتوقع انو ظروف رح تكون مناسبة وايجابية مشان تحافظ على استقرار العلاقة وفي تواصل او اتصال او ممكن يصير لقاء عم تبحث في امر مهم .. يوم ممكن الامور تروح بتجاه الاستقرار افضل من قبل حاول تستغل هاشي ..
صحياً:انتبه صحياً والتزم بتعليمات وفي مغص بالبطن وحساسية جلدية .
السرطان ♋
مهنياً:طاقة وحظ وشعبيتك بتزيد وبتحقق شهرة وسمعة وتحسن مهني صحي عائلي .. بترتاح من ضغوط وحلول وبداية شغل جديد واختبار بيومك وبتقدر تخلص امورك وتستفيد من دعم الحظ بهاليومين .. طاقة ايجابية وتغيرات مفاجئة وخبر منيح ولقاء او تواصل مع شخص مهم يوم حلو بأجواء ايجابية ولمة حلوة وعزيمة ويومك كتير بيشهد احداث واوقات ولقاءات واتصالات وتحسن مالي تدريجي وبتستفاد من دعم اب أو اخ كبير ..
عاطفياً:من الايام الي بتعطيك جاذبية وسحر خاص ويومك افضل .. احساس جديد وذكريات ع البال ويومك كتير حلو بين لقاءات واتصالات وتفاهمات وعم يشهد عودة الحياة لمجرياتها طبيعية مع الشريك او وضع حد له لتوترات الي كانت موجودة ..الاعزب والمرتبط جديد عندك اعجاب واوقات حلوة ناطرتك وشخص مشهور بيومك ..
صحياً:بتتمتع بطاقة ايجابية بس يمكن خبر بخص حدا مقرب ..
الأسد ♌
مهنياً:بتشغلك قصص كتير بوضعك وبشغلك وحتى بصحة بتحس في عرقلة او تأجيل و امور ماعم تكمل ضروري نهدي ولا نتسرع بشي ..مدايق وعصبي وناس الي حواليك متعبتك وماحدا عم يقدر وضعك وانتبه
لقصة او مشكلة ضمن بيتك لهيك لاتتفاجئ من ردة فعل البعض وممكن اقرب ناس الك عم تتغير .. طاقتك كبيرة حاول تستغل هاشي وفي قصة قضائية او مركز حكومي وسفر واوراق بيومك ولقاءات وتواصل ..
عاطفياً:حافظ على علاقتك ولا ترد ع كلام البعض وحذرتك من العين والحسد من قبل .. ضايج من وضعك ومشاكلك من الغير عم تكون حاول تهدي ولا تقدم على اي تغيير جزري او قرار ولتزم صمت نصيحة الك .. انت بحاجة لشخص يفهم عليك ويحس فيك ويهتم اكتر بعرف ماحدا بيستاهلك وكلو مصالح .والمرتبط عم يخطط لشي مهم مع الشريك ممكن مشوار او لقاء او شي مستقبلي ..
صحياً:شوية تعب وارهاق ومزاجك مو ظابط وقلق اثناء نوم ..
العذراء ♍
مهنياً:مال وعلاقات ومساعدة ودعم .. يوم في ناس كتار وعلاقات مميزة وفي عزيمة واكل طيب او عم تعزم وعم يكون في حلول لمشاكل عاطفية وضمن عيلتك بعد توتر .. لقاءات واشخاص جديدة وممكن سهرة او مناسبة ودعم من شخص مهم او صديق بقصة مالية لا تتردد هاليوم وطلاع من تعبك وغير هلأجواء ونبسط ممكن يجيك مال بلاضافة في مصاريف عم تزيد وعم تكبر وقصة بتخص الاطفال او احد الابناء وسفرة قصيرة ..
عاطفياً: من الايام الي جاذبيتك عالية وعلاقات صداقة بتتحول لاعجاب وخفف شكوك وغيرة وروق لان يومك مميزة واوقات حلوة ناطرتك ومشوار ولقاء مع شريك .. الغير مرتبط يومك حلو وطلتك احلى وحليان وجذاب وعم تسحر الكل وممكن حدث مهم بيومك وممكن ارتباط جديد وبتسمع كلام حلو .. والبعض علاقات سرية وحميمية عم تطور ..
صحياً:انتبه على صحتك من سكري او من حساسية جنسية وضعف ..
الميزان ♎
مهنياً:علاقات مهمة وشهرة وسمعة وشعبية وانتبه من علاقاتك مع مسؤول وقصة اب او اخ بالبيت .. ركز بشي المهم ولا تعب حالك بنقاشات واعمال ما منا فائدة يومك في اختبار لوضعك ركز وكون دبلوماسية لتوصل لشي لبدك ياه وممكن مقبل على شي مهم ولقاء بشخصية مشهورة وممكن تعمل شي يزيد من شعبيتك .. هدي وروق لتوصل وتنجح وتخلي وضعك يتحسن .. علاقات اجتماعي وشراكة بيومك ..
عاطفياً:يوم في تطورات بوضعك العاطفي ومستقر نسبياً بعد ايام كانت متوترة العين عليك وجذاب .. فرصة لارتباط او اعجاب حاول تدرس الموضوع منيح ولا تتسرع بقراراتك بلاخص اذا شخصية مهمة او مسهورة .. نقاشاتك اليوم بدك تكون فيها دبلوماسي وماتسيء فهم شريك .. الي علاقتو متوتر بحاجة لحل سريع قبل ماتخسر كلشي .. روق ومافي خوف عليك بتعرف كيف تلاقي الحلول وصلحة بيومك ..
صحياً: تفائل بيومك ولا تعب حالك وكون مع ناس بتحبا ..
العقرب ♏
مهنياً:عم تعيش اجواء حلوة وعم تتخلص من ركود الي كان حاصل وليوم الحظ بيدعمك بأعمالك وتنقلاتك وبأتصالات بعيدة وناس جديدة وغريبة ممكن تتعرف عليها ويوم في عزائم ولمة واجواء ممتعة ويمكن اتصال او خبر او سفر وتواصل مع جهة خارجية بقصد العمل او حوالة وقصة مالية .. نتبه من الحوادث والاعطال والبعض بزور مشفى وقصة صحية ..
عاطفياً:يوم منيح لتعزز علاقتك وبداية علاقة .. حاول تحل مشاكلك مع الشريك او تتجاوز اي عراقيل او مع الاهل بخصوص اي موضوع عاطفي .. صح الشريك متعبك بس فرصة لتصالح وتتحسن الاجواء بعد ماكان في قطيعة وجفا استغل جاذبيتك وسحرك بهاليوم لتأثر على الجنس الاخر .. عم تعيش لاجواء بلقاء أو اتصال وعم تكون مميز وساحر ورومنسي بلاخص المرتبط ولاعزب ناطرك شي حلو هاليومين ..
صحياً:بحاجة تريح حالك وتهتم بصحتك ونظم اوقات تناول الطعام بلاخص الي بوقت متأخر .
القوس ♐
مهنياً:تحسن بالوضع مال وعاطفة واطفال للبعض .. عم تبلش امورك تكون افضل من قبل ويوم عم يكون في امور مالية ومصالحات عم تتخلص من قصص متعبة وقدرة ع التواصل وحلول لقصة قضائية او ادارية قريباً ..في قبض مالي او دين ومسلتزمات وحاجيات وبتجهز لعزيمة او سهرة وخطوة جديدة ويمكن قصة مالية مع شريك عاطفي بتنحل وبتبلش تركز الامور ..
عاطفياً:يومك منيح لتعزز علاقتك وتصالح .. مريت بفترة صعبة وكنت عم تعاني من اضطرابات ومشاكل الشريك.. يومك جيد وفي استقرار حاول تستغل لاوقات الحلوة وتستفيد منا لصالحك ليصير تقارب او مصالحات لتحسن الوضع العاطفي للأفضل لان ابداً ماكان منيح وكان عندك ضغط وتوتر .. تواصل بيرجع مع شخص قديم او شريك حالي وراحة بشكل تدريجي .. .
صحياً:تناول طعام بسرعة قد يسبب لك مشاكل هضمية وانتبه على سنانك من تناول الحلويات ..
الجدي ♑
مهنياً:يوم بخص شراكات وامور عائلية .. عم تعاني من ناس حواليك والبعد بهالفترة راحة الك يمكن منفعل شوي وعصبي وعندك شغل بدك تلحقوا وترتاح قصص شراكة بيومك وحاول لاتوتر الوضع مع شريك مهني او عاطفي يمكن في وضع بالبيت ومع اهلك انتبه شوي .. في نقاشات وتطورات في شي جديد او شراكة وممكن يجيك مال من شراكة او شراكة عقار ..
عاطفياً:عم تعيد النظر بعلاقتك ومواقف ماعم تريحك فاحاول تنتبه من القرارات المهمة والمصيرية .. المرتبط عم يكون في توتر ومو ع بعضك وفي حساسية واضطرابات وممكن خيبة امل بشي كان براسك .. حاول لا تدخل بنقاشات عقيمة ومواجهات مع الشريك بهاليوم روق كلو بينحل مطلوب قدرة على الاستيعاب وامتصاص الاحداث ونقاشات مع الشريك انت قادر تقلب الامور لصالحك .. الاعزب فرصة جديد لاعجاب عندك وتواصل واتصالات حلوة عند المرتبط جديد ..
صحياً:البال مو مرتاح ومشاكل عضلية وجلدية وقصة صحية اما لشريك او بالبيت ..
الدلو ♒
مهنياً:شغل ومسؤوليات وزيارات وعزيمة وتحضير .. يومك مضغوط ومشغول طول الوقت نظم امورك ورتب مواعيدك بشكل منيح وحاول تتفاهم مع ناس من حولك كمان لازم تنتبه على صحتك خلص امورك في شغل و تغيير ناطرك وبلاخص بتعامل مع ناس مهمة قريباً كمان عندك عزيمة وسهرة لا تتردد ومال بيجيك وقصة اخ اواخت ومساعدة ..
عاطفياً:مو كتير عندك وقت للعاطفة اليوم بسبب ضغط والتزامات بس مافي مانع تمرق شوية وقت تروق وتحكي في .. مانك مرتاح اليوم وبتحس مافي انسجام وتفاهم وفي جفا وكل واحد عايش على مزاجه وبلاخص المرتبط روق لا تكبر القصص .. والاعزب فكر بحالك وأختار صح ولا تتشائم وتشغل بالك فيك تقضي هاليوم بتواصل واتصالات ويمكن شخص من شغلك او من دراستك بحاكيك ..
صحياً:صحة حدا بالبيت ومشاكل هضمية ومغص
أنتبه لصحتك ولأكلك ولا تتناول طعام متأخراً ..
الحوت ♓
مهنياً:يوم للعاطفة والمال وقصص الاطفال .. بتطلع من جو العيلة وبتبلش ترتاح وعم يكون في اجواء حلوة واشخاص الك فترة ماشفتا وغوالي عليك وبتتلقى دعم ومساعدة ومال بيومك بس ضب ايدك عندك مصاريف كتير والبعض عندو قصة أنجاب وعم تقضي وقت بين الاطفال ومشوار معن وطاقة ايجابية بيومك ..
عاطفيا:ارتباط واجواء حلوة واوقات كتير مميزة حاول تستغل هاليوم وتقضي مع الشريك وتتطلع او تلتقي معو او بأتصالات طويلة .. البعض عم يهتم لقصة بتخص الشريك حاول تهدي وروق عليه .. والاعزب عندك حب واعجاب او حدا عم يعترف بحبو الك وتطورات سريعة ..
صحيا:حاول تستغل طاقتك بلامور الايجابية ولا تعصب وتكون استفزازي
