القمر☽ ♋بينتقل لبرج السرطان المائي كوكبه القمر.
توقعات برج الحمل اليوم الاثنين 22 فبراير 2021 ماغي فرح
الحمل ♈
مهنياً:قصص عائلية بتشغلك وحاول تخلص التزاماتك لان في عندك ضغط بالبيت وشغل واهتم لاهلك ولا تعمل مشاكل مع حدا ويمكن يكون في قصة نقل او تجهيز وتصليحات بالبيت وهاشي عم يسبب ضغط وتوتر وماعم تعرف من وين تبلش ونقاش بأمور مالية مع حدا بالبيت ومصاريف .. كون واثق بحالك ومن خياراتك لتوصل وتنجح شوية رواق بقصص العيلة بس ولمة حلوة او سهرة عائلية ..
عاطفياً:مو مرتاح وقصص عم تدخل بعضها شريك عم يخليك قلق ومشاعرك مو مستقرة أتجاهه .. حاول تركز على امورك العاطفية ولا تخلي شريك يأثر عليك سلبي الحب بشكل عام عندك عم يتعبك اكتر مو عم يريحك .. بالمجمل في تطورات وفي اخبار حلوة قريباً بس هديلي وضعك هاليومين بالعاطفة وبالعيلة ..
صحياً:تجنب لكريب وحافظ ع صحتك وصحة حدا بالعيلة ..
توقعات برج الثور اليوم الاثنين 22 فبراير 2021 ماغي فرح
الثور ♉
مهنياً:يوم في تواصل واتصالات وقصة أوراق وامور قضائية وعم تتلقى دعم ومساندة وسيارة او موبايل وعم تعمل شي ع مواقع تواصل وعم تشغلك قصة اخ او اخت وعم تنجز اعمالك وعم تتخلص من بعض المشاكل والعراقيل ويمكن في سفر وتنقلات كتيرة وجهازك ماعم يهدا واختبار عندك وزيارات لاصدقاء وعزيمة وعقار بين بيع وشراء او تجهيز وانتبه للحوادث ولاعطال ..
عاطفياً:عم تجمعك صدفة بصديق وهاشي ممكن يطور بلايام جاي .. امورك عم تتحسن وفي تبادل للاهتمام بهاليوم وفرصة للقاء او تعمل اتصال .. لاعزب امورك افضل وممكن يصير ارتباط والمرتبط فرصة لتحسن علاقتك اليوم .. المتزوج توتر صغير بينحل لا تخاف بتتحسن الامور ..
صحياً: حاول الا تفكر كتير ولا تستهلك طاقتك نفسياً وشي صحي بيومك واوراق بتخص صحة او عملية ..
توقعات برج الجوزاء اليوم الاثنين 22 فبراير 2021 ماغي فرح
الجوزاء ♊
مهنياً:غالباً عم يكون يومك مالي ومشاغل مالية ويمكن بحاجة للمال لتبدء مشروع او عمل وخبر بخص المال .. لازم تفكر كيف تتصرف بلامور المالية وتحسب شو الك وشو عليك ولا تتكاسل بيومك ولازم تستعجل وضب ايدك كمان على مصاريفك .. بتجيب شي جديد وشراء وتحسن علاقاتك وشي بشغل ممكن يساعدك مالياً .. يوم مالي بين دفع وقبض وعزائم وصحة ..
عاطفياً:ممكن يوصلك هدية او شي معنوي وعم تحاول تتجاوز بعض العراقيل وضغوط بعلاقتك ولازم تعرف كيف تتعامل بهاليوم حتى تتجاوز اي مشكلة بأقل الخسائر اذا بدك تحافظ على شريكك فترة بسيطة وبتمر وبتبلش تستقر قريباً جداً لمهم تحسبها صح .
صحياً:توتر صحي كان مرافقك ولازم تهتم بصحتك لترتاح منيح ..
توقعات برج السرطان اليوم الاثنين 22 فبراير 2021 ماغي فرح
السرطان ♋
مهنياً:طاقة ايجابية وتحسن بوضعك وبعلاقاتك وعم تقدر تتواصل وخبر حلو وسفر ويمكن نقل ..وضعك منيح غامر ولا تتأخر الحظ معك بأي شي بدك تعملوا وتحسن بامورك المالية او اذا ناطر حوالة .. بعد فترة كتير تعبت فيا عندك انفراج وتحسن وخبر ناطرك وعزايم وثقة بتعود من جديد واليوم بتكون بحالة جيدة وحلول ناطرتك وعم تعمل تغيرات بشكلك ..
عاطفياً:صدفة بيومك واتصال ناطرك واشخاص بتعود..
جذاب ورومنسي وشريك بحاجتك وممكن يصير لقاء واتصالات طويلة .. يوم مهم على صعيد القرارات المهمة والمصيرية وحسم بعلاقتك .. استغل يومك قد مافيك واوقات حلوة بتقضيا ..البعض لا تتسرع ويمكن في قصص قضائية ..
صحياً:لا تخلي تأثيرات نفسية تسبب مرض الك ..
توقعات برج الاسد اليوم الاثنين 22 فبراير 2021 ماغي فرح
الاسد ♋
مهنياً:مانك مرتاح وحاسس انو مو طايق حدا ومن اي كلمة ممكن تعصب وملل وضجر وماحدا عم يفهمك او يقدر وضعك وتعبك ولا بتحس ضاربينك بمنية .. لا تتأخر بأنجاز اعمالك او بدوامك وقصة حكومية او مؤسسة جديدة وتواصل مع اشخاص مهمة وعلى مستوى عالي لمهم لا تنفعل وتخلي حدا يستفزك في ضغط ومسؤوليات وعلاقات اجتماعية وامور مالية بتشغلك او عقد للبعض ..
عاطفياً:عم تعاني مشاكل عاطفية ومو مرتاح بشي وشريك بدل مايريحك عم يتعب لا تعطي ثقة لحدا لان مافي اهتمام وبدك لتريح راسك من كتير قصص لتركز ع الوضع العاطفي .. مابدي بعض الكلام الي مو مستاهل يأثر ع الوضع ويسبب توتر وتكبر القصة لا تخلي حدا يستغل حبك بلاخص الناس الي بتصطاد بالماء العكر .. اعطي اهتمام لنقاشات وكون دبلوماسي وبلا تصعيد ..
صحياً:تجنب بعض المخاطر صحية وماكتير تعمل خلطة مع ناس بهاليوم ..
توقعات برج العذراء اليوم الاثنين 22 فبراير 2021 ماغي فرح
العذراء ♍
مهنياً:عم تتحسن الامور عندك وعم تحس بدعم وطاقة وبلاخص من الاصدقاء المخلصين لتتمتع بجو حلو او عزيمة وسهرة وعم يكون في عمل جماعي او انساني او لتعمل شراكة عمل مع صديق وعم تقضي وقت طويل معن .. يوم افضل على صعيد العلاقات وتنقلات والعزائم واذا محتاج مساعدة او استشارة لا تتردد وباب جديد قد يفتح ومال عندك وقصة بتشغلك لحدا بعيلتك ..
عاطفياً:يوم للعاطفة والاندفاع .. جذاب وسحرك مميز ومن الايام الي بتزيد فيها قدراتك العاطفية وهاشي بخليك تأثر على الجنس الأخر .. يوم ممكن يحملك حب جديد وتحسن بعلاقتك مع الشريك وشراكة ممكن تتطور مع صديق ..علاقات سرية عند البعض ممكن تتطور لشي تاني ومنعطف جديد ..
صحياً: أنتبه من وضع صحي وجسمك بحاجة للفيتامينات وبروتينات وصحة زوج او زوجة ..
توقعات برج الميزان اليوم الاثنين 22 فبراير 2021 ماغي فرح
الميزان ♎
مهنياً:علاقات مهمة وشغل جديد بس لازم تنتبه على صحتك او من تشويه سمعة .. عم تكون مدعم بقصص العمل ولاختبارات وعلاقات وشخصية مهمة وفرصة شغل جديد او امور بوظيفك ويمكن ترقية كمان وتعمل شي صحي او عملية وتجميل .. انتبه لعلاقات بشغل لتوصل صح وتنجح وماتوقع بلوم او تسمع كلمة من مدير او مسؤول او من رب المنزل ولا تخلي حدا يستغلك في مال من شغل والبعض شهرة عندو ..
عاطفياً:في ارتباط لشخص بشغلك او شخص مشهور بيومك ..لامور بعدا ماعم تظبط بس انت كتير بحاجة لشي يغير من الوضع وتتخذ قرارات حاسمة .. وكتير لازم تبتعد عن الأمور المثيرة لجدل والحساسة حتى ماتكبر الامور ويصير فتور وبرودة الوضع مابيسمح بتهاون مع الشريك ولازم تحسم امورك .. والبعض عم يعاني من امور خارجة عن سيطرة بعلاقة أخرى ..
صحياً:حافظ على صحتك وفيك تعمل تغيير او تدخل نادي او حمية بس لاتخلي حدا يستفزك ..
توقعات برج العقرب اليوم الاثنين 22 فبراير 2021 ماغي فرح
العقرب ♏
مهنياً:عم يكون تواصل والاتصالات ولقاءات على مستوى عالي وعم تنشط على مواقع تواصل وعم تحاكي اشخاص بعيدة او غريبة وعم تنجح بامور الاختبارات او امتحان بلاخص اذا دراسات عليا وفكرة سفر او خبر بخصوص شغل وتواصل مع جهة خارجية واوراق وقضايا بيومك ..عم تغير روتينك وناس الك زمان ماشفتا ولمة حلوة وزيارات والبعض لقاء بشخص قادم او حوالة بعيدة ..
عاطفياً:بيدعمك الحظ بالعاطفة وبتكون جذاب وحليان وتطور بعلاقتك مع الشريك بتواصل واتصال والبعض فرصة ليتعرف على شخص عن طريق الانترنت او صدفة وعلاقة حميمية وناس جديدة .. لو كان في نقار وسوء تفاهم لا تخاف بينحل بسرعة بس انتبه للعين الي عم تخلي وضعك متقلب بكتير اوقات ..
صحياً:مشاكل الانف والحنجرة وجيوب بيومك والبعض قصة انجاب بتشغلو ..
توقعات برج القوس اليوم الاثنين 22 فبراير 2021 ماغي فرح
القوس ♐
مهنياً:عم يتحسن وضعك بعد توترات بشراكات وبالعاطفة اليوم افضل وعم تتقرب من العيلة وعم يكون في زيارات وتواصل وعم تعمل تغييرات وتجهيز ونقل لمكان جديد وضب ايدك على مصاريفك بالبيت لان كتيرة .. ممكن تحصل على مال ومبلغ او من حدا ممكن يساعدك .. في مصالحات وحلول وعم ترتاح وعم تعود بعض العلاقات لطبيعتها .. يوم للمال والموارد المالية من شراكة او اذا عندك مدخول غير مدخولك لاساسي او لتتخلص من ديون وضرائب ومصاريف ..
عاطفياً:حل لسوء تفاهم وتحسن بوضعك من جديد .. عم تعود ثقة وتواصل وعم تناقش امر عاطفي مع العيلة او حكي بهيك شي يوم بيدعيك لتفكر منيح بعلاقتك وتركز على حسم امورك وقراراتك وخود وقتك لكن صار لازم نحط نقاط على الحروف .. بترتاح من ضغوط وكلام حلو بتسمع وكل هاشي لصالحك الحسم مطلوب مشان وضع علاقتك بس بهدوء بعيد عن العصبية ..
صحياً:بترتاح من وعكة صحية وامورك افضل من قبل وطاقة ايجابية ..
توقعات برج الجدي اليوم الاثنين 22 فبراير 2021 ماغي فرح
الجدي ♑
مهنياً:شراكات عاطفية ومهنية وعقود ومعاملات وتنقلات واوراق .. عم تشغلك بعض الامور المالية وبحاجة لترتاح وتخلص وتعرف شو الك وشو عليك ويمكن شراكة عمل او عقد جديد وحاسس انك مرهق ومتعب من يوم طويل ولازم تنتبه اذا عندك شراكة عم تعبك لا تعصب وتنفعل وتناقش كتير احسن ماتنهي وضع عندك .. ولازم تنتبه اذا عندك سيارة من الحوادث او شي بخص موبايل كمان ..بتتواصل مع ناس جديدة وعزيمة بيومك ..
عاطفياً:الاعزب عندك فرصة لتواصل وعلاقات جديدة وتعارف وعم تعزز علاقة او دخول بشراكة جديدة ولا تكبر على حالك ولقاء بيومك واجواء رومنسية .. بس المتزوج عندو ضغط وتوتر وكتير بحاجة لتريح راسك بلاخص اذا مشاكلك من الغير حاول داري الوضع وتكون متفهم وتبتعد عن اي توتر بيومك لتكمل علاقتك بدون مشاكل ..
صحياً:لا تخلي وضعك نفسي يأثر عليك بوعكة صحية المهم تريح حالك وانتبه لمشاكل المفاصل والظهر ..
توقعات برج الدلو اليوم الاثنين 22 فبراير 2021 ماغي فرح
الدلو ♒
مهنياً:شغل والتزامات ومسؤوليات بتزيد وقصص بتخص وضعك المهني والمالي ..رتب امورك وخلص شغلك ولا تحتار وفكر بمصلحتك ع طول .. افكارك براسك وانت قادر تقنع وتتمتع بطاقة لتخلص الامور المهمة لازم تكون سريع وحافظ على الانجازات .. وحاول لا تتردد بشي وعبر عن افكارك وارائك وبتكون شخص اجتماعي وممكن شغل جديد او اتفاق ..رتب امورك وانتبه على وضعك صحي بشكل منيح .. والبعض ممكن يحصل على مال من شغلوا او حوالة ..
عاطفياً: اهتمامات شخصية بعيد عن العاطفة وعم تعمل تغييرات وعم تكون طلتك حلوة وانت كتير لازم تظبط الامور مع الشريك برغم انو الشريك ماعندو اهتمام وماكتير عم يقدر ظروفك فا لازم تحكي وتعبر احسن مايلومك وفوق كلشي يحط الحق عليك .. اعجاب مبدئي عند الاعزب قريبا بيطور ..
صحياً:فيك تغير بشكلك وتهتم بصحتك اكتر والبعض في مال على تجميل او عملية
توقعات برج الحوت اليوم الاثنين 22 فبراير 2021 ماغي فرح
الحوت ♓
مهنياً:من الايام المميزة عنك بالمال والعاطفة وعم تستمد طاقة ايجابية كبيرة ويمكن قصة بتخص الانجاب والاطفال ومشوار حلو .. الحظ داعم الك لتطلع وتغير جو او تحصل على مال وتغير من نفسيتك بلقاء او تعارف بناس جديدة وعزيمة بلاخص انك عم تطلع من ضغط وتوتر .. يومك منيح وتطورات منيحة وفرصة شغل جديد ومال بين قبض ودفع ..
عاطفياً:من الايام المميزة لحب جديد ورجعة حب او زوج الك .. مميز بحضورك وجاذبيتك وعم تلاقي الاعجاب وامورك عم تتحسن .. عم ترجع الثقة وبيتحسن وضعك حتى ممكن في صلحة وفي اشتياق لشخص وحبك القديم ممكن يرجع .. يوم عاطفي بين تواصل واتصال حلو وحب ومغامرة جديدة والبعض بميل لعلاقات حميمية …
صحياً:وضعك صحي عم يتحسن نتيجة تحسن بعض الاوضاع الاخرى بس انتبه من جو هاليوم
